الصفحة الرئيسية › أخبار وطنية

أخبار وطنية لزهر الضاوي يكتب شعرا عن راشد الغنوشي

نظم الشاعر الملتزم لزهر الضاوي قصيدا جديدا عنونه بـ"فصول من الحب العذري" حول راشد الغنوشي زعيم حركة النهضة جاء فيها ما يلي:

 “فصول من ..الحب العذري”..!!

الرّاجل هذا يحبّنا
وما حاب يسلّم فينا
يهدي فينا لدين ربّنا..
واحنا لتو ما اهتدينا..!!
****************
يحرس لينا في جيلنا..
يَعدل لينا في ميلنا..
وعامل فيها “جبريلنا”..
و”يوم غدوة” يشفع فينا..!!
*************
الراجل هذا يحبنا..
وباع العمر على جالنا..
وفي “القالب ” ناوي يصُبنا..
واحنا موش على بالنا..؟!
يقعّد فينا ويكُبّنا..
باش تتصلّح أحوالنا..
ونوَلّو ” اخوان “ونبعدو
عن قوم “الكافرينا”..!!
************
الراجل هذا يحبنا..
” مسيكن “..وفينا واحل..
يجري لينا على َطبّنا..
وعامل لينا مراحل..
..ساعة تلقاه “وزيرنا”..
وساعة يولّي “سفيرنا”..
وطبعا هوّ ” دبّيرنا “..
يرسم ويخطّط لينا..!
مسيطر على ” رئيسنا ”
ومتغلغل في “بوليسنا ..”
وساكن في كواليسنا..
وناصب عسّاس علينا..
لاصق لا حب يقيلنا..
يونّس فينا في ليلنا..؟!
..وفي أوّل غمضة نرقدو..
يقوم.. ويلعج علينا..!!!
************
والراجل هذا يحبنا
وما حاب يسلم فينا
يهدي فينا لدين ربنا
واحنا لتو ما اهتدينا…!!
++++++++++++++++++++++++
(قفصة 16/05/13)